شــاعر نجم يملك أحســـاس شعــريا نادرا ....
حين يكتب تشعر بأن الحبـ بـدا يأخذ شكل جديد
وأن الشعر أصبح ملاذ أمنا للحب,وأن الوان قزح أنتشرت في كل الفضاءات
وأنه في كل بيت من أبيات قصيدته يدس في قلبك أحاديث الحنين ولحظات الوله
عندما تسمو اللغه , وتتمدد الافكار.
هـــــــــــو
حين يكتب تشعر بأن الحبـ بـدا يأخذ شكل جديد
وأن الشعر أصبح ملاذ أمنا للحب,وأن الوان قزح أنتشرت في كل الفضاءات
وأنه في كل بيت من أبيات قصيدته يدس في قلبك أحاديث الحنين ولحظات الوله
عندما تسمو اللغه , وتتمدد الافكار.
هـــــــــــو
* جار القمـ‘ــر *
محمد جار الله السهلي
ومضــات من حياة شاعــرنا
@
ولد في 1928,10,7
دولة الكويت ,محافظة الاحمدي
تعليمه ,,حاصل الاجازه الجامعيه بكالوريس من جامعة الكويت\ كلية العلوم الجتماعيه
قسم جغرافيا,,
هواياته
@
القراءه ,,الشعر ,,
بالنسبه لفريق شاعرنــــا \\ نادي الهلال ,,الزعيم,,
أعماله ومسؤلياته,,
موظف في وزاره التربيه الكويت
الحاله الاجتماعيه\\
متزوج ,,لديه أبن ((جار الله ))
أمسياته
@
أمسية الجهراء
أمسية مهرجان هلا فبراير 2005
أمسية مهرجان عنيزه 2005
أمسيه مهرجان بريده 2006
أمسية مهرجان الدوحة الثقافي 2006
أمسية ابوظبي 2006
أمسية مهرجان ابها 2006
أمسية هلا فبراير 2007
أصدارته الشعريه..
@
ديوان مقروء (أصعب سؤال)) 2006
ديوان صوتي ((مختلف)) 2007
............
الاسم : محمد جارالله السهلي
ولد الشاعر محمد جار الله السهلي في 1982 .10.7
في دولة الكويت محافظة الاحمدي تعليمه وثقافته: حاصل على الإجازه الجامعيّه ( بكالريوس ) من جامعة الكويت - كلية العلوم الإجتماعيه - قسم الجغرافيا - فبراير / 2006 أولى هواياته القراءة والشعر وحب الاطلاع موظف في وزراة التربيه - الكويت - يناير / 2007 متزوج ولديه من الأبناء ( جارالله ) - بدأ كتابة الشعر عام 2001 و النشر عام 2002 من خلال مجلة آفاق الجامعيّه ومحلق (الواحه) جريدة الأنباء وملحق ( ملتقى الشعراء ) جريدة الوطن . - في عام 2002 تنبأ بنجوميّته الشاعر الإعلامي ( عبدالله الفلاح ) من خلال عدة كتابات في واحة الانباء . - في عام 2003 قدّمه الشاعر والصحفي الكبير ( بدر الحمد ) بخط يده من خلال مجلة الساعي . - في عام 2004 بدأ النشر في مجلة المختلف بتقديم ودعم من مدير تحرير مجلة المختلف الأستاذ : نايف الرشيدي * عضو ديوانية شعراء النبط الكويتيه * عضو جمعية المعلمين الكويتيه - أمسية الجهراء بمناسبة تكريم مجلة المختلف للشاعر الكبير طلال السعيد - نوفبر / 2004 - أمسية مهرجان هلا فبراير - 2005 - أمسية مهرجان عنيزه - 2005 - أمسيه مهرجان بريدة - 2006 - أمسيه مهرجان الدوحه الثقافي - 2006 - أمسية ( ابو ظبي ) : تنظيم الاتحاد الوطني لطلبة الإمارات - 2006 - أمسية مهرجان أبها 2006 - أمسية ( باق في قلوبنا ) : تنظيم اتحاد طلبة الهيئه العامه للدراسات التطبيقيه - 2007 - أمسية مهرجان ( الوجهة الشرقية ) : الدمام - 2007 - أمسية مهرجان هلا فبراير - 2007 -الأمسية الشعرية الكبرى مملكة البحرين -2008 - أمسية ملتقى دبي السابع للشعر الشعبي- 2008 - أمسية مهرجان هلا فبراير - 2008 - أمسية نادي الهلال السعودي : الرياض - 2008 - برنامج جواهر : تلفزيون دبي - برنامج احلى الكلام :قناة المختلف - برنامج عذب المعاني : سما دبي - برنامج سهرة مع شاعر : قناة الصحراء - برنامج في حياتي : قناة المختف - برنامج رواسي : قناة سكوب - برنامج المجلس : سما دبي - برنامج يا هلا : قناة روتنا - برنامج حلو الكلام : تلفزيون مملكة البحرين - برنامج الغبقه : تلفزيون دولة الكويت * شارك بالعديد من البرامج الاذاعيه خليجيا - ديوان مقروء ( أصعب سؤال ) - 2006 - ديوان صوتي ( مختلف ) - 2007
وهذي بعض قصايد الشاعر اللي اعجبتني ..
.: اسبـوع :.
اسبوع مرّ .. ولا وصل منك مرسـال ياقوّ قلبـك كيـف تقطعنـي اسبـوع الجو كافر ! وانـت ماترحـم الحـال وانا عليك مـن الولـه ميـتً جـوع ياللي غيابك صعب يطري على البـال تركتنـي ضايق .. وحاير .. ومفـجـوع ماكنـي الا شايـبً فـاقـد عـيـال وماكنك الا محـرمً حـق مشـروع يفوع لك قلبـي ليـا مـر الاطـلال ياليت مالـي قلـب يشتـاق ويفـوع حسبي عليك شلون قطعـت الامـال بآموت لاصار الامل فيـك مقطـوع ياصاحبـي ماكـل نـزال رحــال انت الحيّا من وين مارحـت متبـوع نسيانـي لـزولً بالاعمـاق يختـال اصعب علي صاحبك من حبة الكـوع لو الثمن في شوفتـك عمـر رجـال كان الثمن من يوم ماغابـت مدفـوع ولو القـدر ماتـم قولـه ليـا قـال ماضاق صدر ولا انحنى راس مرفوع ياصاحبي عشقتنـي فعـل وخصـال وانا عشقتك شعر واحساس واطبـوع وشلون تتركني كذا لاشهـب الـلال وقدام عيني تجـف ينبوع …. ينبـوع وانا عشانـك جيـت والغيـم همـال اسيّـل الوديان … واداحـم جـمـوع ماردنـي عنـك سواليـف عــذال تزعل علـي ربوع .. وتقـدّر ربـوع كان المهم اعيشـك جنـون ووصـال ويكون لي كلمة ولـي راي مسمـوع واليوم ضاقت بي من الجـال للجـال فرقاك تقصم ظهر .. وتحز … وتلـوع لو جيت شفت الحال ماسرك الحـال في غيبتك ضايق .. وحاير ..ومفجـوع هذا غياب اسبوع وشلون لـو طـال طالبك لايطول غيابـك عـن اسبـوع
.: راجـع حساباتك :.
احضّـرك واتلـوا عليـك البسملـه والفاتحـه والغاشـيـه والزلـزلـه واعلّمـك وش الحديـث المنطـقـي من شان تعرف كـل شـي ٍ تجهلـه خدمه .. بقدمها بـلا شـرط وثمـن يا صاحب آفـاق الخيـال الممحلـه وماهيب من بـاب المـوّده والغـلا لكّن مـن بـاب احتـواء البلبلـه !! كنت احسب ان سود الليالـي ربّتـك واثرك على نفـس العلـوم الاولـه موّسـوس وحالتـك حالـه مزريـه الحلـم قدامـك وعاجـز تاصـلـه على مدار العـام مـن قـل الثقـه : بينك وبيـن الشـك والريبـه صلـه ذكائك المزعوم حاجـه مؤسفـه !! تضحـك علـى تفكيـرك وتستغفلـه سويت نفسك فاهم الوضـع وذكـي وكليتها يـا بـو الشبـاب مفلفلـه !! ما احد ٍ جبرك تضيع وسط المعمعـه وتستصعب الموقـف ولا تستسهلـه القصد واضـح والمعانـي واضحـه ليه اتمـادى فـي الحكـي وتؤّلـه ؟ طويق ثابـت والجبـل يبقـى جبـل فلنعتبـر هــذا ســؤال وعلله ؟! شفت ان مالـك بالثقـه موطـأ قـدم كـب الغـرور المفتعـل ولاّ اقتلـه وان عوّدت نهـج وقناعـات وفكـر الاجوبه ترضـي غـرور الاسألـه المرجله لا صـارت هايـط وشعـر مـا عـاد ابيهـا لعنبوهـا مرجلـه وان كانهـا مواقـف وقـول وفعـل ماعندي الا : تـم وابشـر وازهلـه خذ لك نصيحه كانت تسـام بجمـل يا مسيلمه او بالاصح يـا عبهلـه !! لا عاد تخطب في شبـاب المجتمـع ريّح .. وخل الدين والنصـح لهلـه ولا عاد تشهـد زور فارجـاء البلـد وتبقى كذا مـن مرحلـه لا مرحلـه حتى ابليس بيستحي مـن كذبتـك !! من كبرها ما هيب من ضمن عملـه واليـا بغيـت الجـد سجّـل مايلـي واستحملـه واستوعـبـه واتقبـلـه ماهوب عيب انـك تغيّـر منهجـك العيـب وانـواع الخطـا والمهزلـه انـك تجـي كلـك وتستنقـد فـئـه على فعل وانت اول اللـي يفعلـه !! راجـع حساباتـك وفكّـر واتعـض واضرب على نفسك جميـع الامثلـه ان كان ما انـت بكلهـا مثَـل مثَـل مـاوالله اقـول الشعـر واسترسلـه خلاصة الموضوع كله ( من - إلى ) بيت ٍ يوضح لك غموض المسألـه : أنا .. لو اني مـا لعبـت بحسبتـك ما كان يسبب لك قصيدي مشكلـه !!
: خيانة أحبابي :.
بالرغـم : مـن كثـر زلاّتـه وغلطاتـه ! ياطـول بالـي عليـه وياوسـع صـدري وإن هبّ شعـري علـى كـل إتجاهاتـه ؟ ماكنّ فوقي سمـا ولاّ الثـرى حـدري ؟! أتخيّلـه ساكـت .؟ ويحكـي معانـاتـه ! وإن قلت: وشلون صارت؟ قلت لك مدري ! عيونه تسولف !! وتشـرح لـي سكاتـه ؟ وياحيّ رقة سوالـف رمشـه الخـدري !؟ بس علّمه كـان مـا راجـع حساباتـه ؟؟ تراي حاسب حساب الدمع مـن بـدري !! خيانـة أحبابـي ، و وقتـي ، وطعناتـه ! لـو نزّلـت دمعتـي مانقصّـت قـدري ؟ ولا صار ناوي علـى فراقـي وحياتـه ؟ ما عاد تلمـح عيونـي وجهـه البـدري !! انـا ؟ عرفـت الولـه مـن قـلّ جيـاتـه وجايز يعرف الوفا لا حسّ في غـدري ..
.: طالبك طلبه اذا خليتني :.
ليت لي حيله واجي واحتال بـك وليت ما قلت بحياتـي ليتنـي !! يابري حالي ليامـن مـال بـك التغنّـج والدلـع .. لا جيتـنـي دوم احس انـه نعاسـك غالبـك معنّي رموشك ! وانا عنّيتنـي ! بس .. ذا المره ما طاب الفال بك جيت ولـدرب الجفـا حديتنـي لكن اسمع هالشعر وش قال بـك دام صبت اللي تبـي واخطيتنـي الغلا حقـك ! ولانـي سالبـك ابسـط حقوقـك ولـو مليتنـي شوف عيني يوم دمعي سال بـك ضمتـك حتـى ولـو ابكيتنـي وانت رغم اني شغلت البال بـك سلت مع دمعك ولا ضميتنـي ؟! كـان بـه شـي ٍ عليّـه قالبـك بطلبـك حـاجـه اذا خليتـنـي لانويت تحب غيـري .. طالبـك لا تحبّـه كثـر مـا حبّيتنـي !!
.: التجربـه :.
تقـدم الدنيـا لنـا درس ٍ جـديـد بـكـل يــوم والناس تسلم من غثـا الدنيـا بحفـظ دروسهـا !! وعلى حسب حفـظ المواجيـب وتعاليـم السلـوم نعـرف مقاسـات البشـر بالمرجلـه ونقوسـهـا صيت الرجال الوافيّـه بأفعالهـا .. ولا ّ الرخـوم ينبيـك عنهـا : قـل نفعتهـا وشـيـن نفوسـهـا تطـرد ورى الدنيـا وتكشـخ بالمواتـر والهـدوم مثل ( الحريم ) أغلـب دراهمهـا علـى ملبوسهـا والإمعـه والشايـب الكـذّاب وضعيـف العـزوم ناس ٍ مع العالـم بـلا هيبـه تدربـي روسهـا !! والبخـل : خلاّنـه بهايـم !! لا تسـام ولا تسـوم لا شفتهـا ترفـع يـدك حمـد وشكـر وتبوسهـا على الصحن هم أول الجلاّس وآخـر مـن يقـوم يعيّفـك حلـو الاكـل والشـرب طـول جلوسهـا ماهيـب للـلازم سنـد ولا ذخـر عنـد اللـزوم تمـوت ماسـرّك مهايطـهـا وكـثـر فلوسـهـا وسوالف الخبلان .. رفعة ضغط وصداع وهمـوم فـلاوة ٍ تخطّـف علـوم الـعـرب وتحوسـهـا واجب عليك إليا حكت عن جملـة حكاهـا تشـوم الهنـد مـا يـرأس حكومتهـا سـوى هندوسـهـا وربـع المصالـح والمجامـل خـوة ٍ ماهيـب دوم اقولهـا والتجربـه قـطـع وريــدي موسـهـا وقت الرخا .. مثل الصقور اللي على المرقب تحوم فيّ ٍ يـذّري ساقـك الرمضـا وحـر ّ شموسهـا وإليا احتمت صكّات بقعا وامسـت علومـك علـوم اتلـوّي خششهـا وتجحـد خـوّتـك وتدوسـهـا من عقب ما انت الطيّب وقدرك معـزّز ومحشـوم تصيـر اردى مـا خلـق ربـي ودم ضروسـهـا أبعد عن الأشكال ذي .. بعد الثـرى عـن النجـوم وش حاجتك في قرب رديـان العـرب ونجوسهـا ماهوب عيب إليا عزموك تقول يالربع .. معـزوم ! العيـب : لارحـت لعزايمهـا وجيـت عروسهـا وخلّـك فطيـن تعلّمـك دنيـاك درس بكـل يـوم والرجل يسلم من غثـا الدنيـا بحفـظ دروسهـا !!
.: الحـب :.
الحب .. طفل ٍ سكن شعري وهوجاسي وفي ظلوعي العـوج ربيتـه وكبّرتـه خذاني من .. الوطن والناس وانعاسي وابـلا قناعـه .. تقبّلتـه و بـرّرتـه سلمت أمري إليه وطحـت متواسـي إلين ماصار شـي ٍ مـا تصوّرتـه !! حبيبتي .. كيف اكذّب حزني وياسـي لو العذر يعـذرك قبلـك تعذّرتـه !! الله يسامحك .. ما قدّرتـي احساسـي وانا على شانك .. الاحسـاس قدّرتـه نسّاني الهم .. غالـي ربعـي وناسـي وذكرت ربي .. وقلبي فيـك ذكّرتـه ودوّرتي اسهل طريق .. لضيقة انفاسي ماكن درب الفرح .. لرضاك دوّرتـه يـا سيّـدة خافقـي ومحطمّـة باسـي كـم مـرة ٍ لمـت خفّاقـك وحذّرتـه صحيح احبك .. وآخاف فراقك القاسي وخطاك .. يامـا تجاهلتـه ومرّرتـه لكنّـي اليـوم لا ذاكـر ولا نـاسـي ودّعتك الله .. وقلبـي عنـك صبّرتـه عساني الموت .. كان بينحني راسـي ويا جعلي الضيم .. لو مبداي غيّرتـه
: مسك الختام :.
اللـي مثلـك يـا حبيبـي مـا يـلام ! قوم وانسى الدمع .. وانساني معـه !! لا تحاتي الليـل ! ودعنـي .. ونـااام السهر مـا هـو بضيـق الا سعـه ؟؟ خلّنـي مابيـن كـذبـك !! والـغـرام بنثـره وآخـر طموحـي اجمـعـه .. بك ( ختمت المسك ) يا ( مسك الختام ) واحفظ ( اغلى ) بيت وانسى ( مطلعه ) ( شاعرك ) لا شحّ صوتـه بالكـلام ؟ ناظـر عيونـه كـلامـه تسمـعـه !! ما ورى هـاك الطعـون الا الخصـام وماورى وصلـك وقربـك منفعـه .. عدّنـي مـا كنـت وانسانـي .. مـدام الفراق اصبح : ( جهاتي الاربعـه ! ) خابـرك حسّـاس وتخـاف الزحـام ! خـاف قلـب ٍ بـه همـوم مجمعـه !! إعتـقـه لله !! واتـركـه بـســلام ما بقـى بـه عـرق تقـدر تقطعـه ؟! ضامي واطرد سرابك ( نصف عـام ) حالتـي حالـه ! واجامـل واتبعـه .. كل ما طـاح ( الامـل ) شلتـه وقـام لين طحت ! ولا لقـى مـن يرفعـه ؟! غلطتـي كنـت انتظـر منـك اهتمـام وغلطتك ( بُعدي ) ثمنهـا و ( ادفعـه ) لا تقـول البُعـد والفرقـا حــرام ؟؟ الحرام : اعطيك ( عمـر ) تضيّعـه !!
.: يقطع .. سنيـن العشـق :.
البـارحـه .. مــا بـيـن هـمـي و الأوراق . ! جـرّ القلـم طــارووق .. حـزنـن يسلـيـه . ! و أسترسلـت أبيـات شعـري .. مـن أعمـاق . ! الموقـف اللـي مـرّ .. و أزريــت أعـديـه . ! موعـد لقـا .. مبنـي علـى نيـة .. أفــراق . ! كان الأخيـر .. و ضيـق الصـدر .. طاريـه . ! و لا هي غريبـه لـو أقـول : الصـدر ضـاق . ! لكـن الأغـرب .. كيـف .. مـا ودعـه فيـه . !؟ كانـت دموعـه تختنـق بـيـن .. الأحــداق . ! و نظـرات عينـي .. تقتلـه .. ثـم .. تحـيـه . ! كنـي جلسـت أعلمـه .. كيـف .. يشـتـاق . !؟ و كنـه يعلـم شعـري .. شلـون .. يرثـيـه . !؟ شـح الزمـن .. بموادعـه .. و المسـا سـاق . ! حـزن القصايـد .. و العتـب .. و المشاريـه . ! يـا ليـل .. و الله مـا ورى .. ليلـك أشـراق . ! النـور .. عانـه يسحبـه .. فــي خطـاويـه . ! عشاق .. قلي : ويش . !؟ أو .. ليش . !؟ عشاق . ! ألا .. ضحايـا وقــت .. مــدري شسمـيـه . ! يقطع .. سنيـن العشـق .. يـا درب الأشـواق . ! ياليـت .. بيـدي شـي .. و أقــدر أسـويـه . !
.: أشوفك على خير :.
لا صرت بايعني .. اشوفـك علـى خيـر مـع السلامـه .. دام مـا بـه سلامـه !! قلت : انتهينا؟ قلت لك : خير يـا طيـر ! مانـي بـاول شخـص يخسـر غـرامـه محـذرك مـن قبلـهـا الــف تحـذيـر لا عفتنـي بيعـيـف قلـبـي هيـامـه ؟؟ مانيـب ميّـت لا ! ولا احتـاج تبـريـر صـح الله لسـانـك .. ووفــر كـلامـه بسمعك .. حبكه .. وفكـره .. وتصويـر وافهـم عـدل يــا مـدعـي بالفهـامـه وجه الشعـر ( ابيـض ) ويحتـاج تغييـر ودي تـزيّـن هالقصـيـده ( عـلامـه ) ماضيك ( الاسود ) بذكـره دون تقصييـر كذا يكون بخـد هالشعـر .. ( شامـه !! ) يصـدق معـي تعبيـر .. ويخـون تعبيـر يا ضيعة الشاعـر .. بوقـت انسجامـه ! يمكـن خطـا ادونـك بالشعـر ؟! مـيـر لو مـا احترمتـك ؟ للغـرام احترامـه !! ما كان حبـك غيـر بـس طعنتـك غيـر علمتـنـي معـنـى الـنـدم والـنـدامـه مـا جـاك منـي اي زلــه وتقصـيـر كل مـا خطيـت اعاتبـك .. بابتسامـه ؟! حسبي علـى الذكـرى اذا هبـت عصيـر مـا عـاد تنـفـع شرهـتـي والمـلامـه البال ( ضامي ) وقتها والحـزن ( بيـر ) ( خسرتك ) وهمي ( كسبت ) اهتمامـه !! والليل فازع لـك كـذا !! جانـي مغييـر ظلمتـنـي واكـثـر ظلمـنـي ظـلامـه لا اقبل علي اوحييـت صـوت المساييـر وفزيـت كـل ضيـف ٍ اقــوم بمقـامـه وليا عـزم هالليـل ( ضيقـه وتفكيـر ! ) قلّـي بربـك كـيـف بـقـدر انـامـه ؟؟ مـا فيـه داعـي للعـتـب والمعـاذيـر الغدر ( خال ) الجرح واطيّب ( عمامه ) !! أما يجيـب الله مطـر .. تالـي وخيـر ؟ ولا السلامـه مـااااش مامـن سلامـه !!
.: المشـراف :.
أصعـد ( المشـراف ) يـا شعـري وذبّـه أنـت اكبـر مـن محيـطـه وارتفـاعـه مركـبـك هبـايـب افـكـاري تـهـبّـه و( البحـر ) ميّـت علـى فلـة شـراعـه و( السمـا ) تشتـاق لـك شـوق الاحبّـه لانّــك تحـجّـم فضـاهـا واتـسـاعـه خـش تقصيـري !! عـن عيونـي وخبّـه خلّنـي كامـل مـع التفكـيـر .. سـاعـه ليـن اسـوي منـك : دافـع للمسـبّـه !! لكـل فــارغ ودّه : يـمـارس ضيـاعـه اشهـد ان بعـض الشتايـم .. مستحبّـه !! الدلـيـل القـاطـع لطـيـب البضـاعـه يـا تعـب حالـي ويـا حـالـي وطـبّـه والله ان كنّـك اخـوي مــن الرضـاعـه اتنـومـس فـيـك وانـــوّه وانـبّــه : انحـدار الطـرح فـي جيـلـي إشـاعـه أعشقـك .. ومخالـفـك ربــي وربّــه بيـنـي وبيـنـه مـجـافـاه وقـطـاعـه الكـراهـيّـه ضـريـبـه للمـحـبّـه !! فلسـفـة شـاعـر وتوظـيـف لقنـاعـه كـل شـي ٍ نكـرهـه عكـسـه نحـبّـه مثـل كـره الخـوف حـبـا ً بالشجـاعـه جـايـز اربــاك العـقـول المستـتـبّـه بالـدهـا و العنجـهـيـه واللـكـاعـه !! مير قلب الشعـر : ( غصـن ٍ ) مـا لعبّـه غيـر ( نسنـاس ) الرقـي والاستطـاعـه يـا أولــي الألـبـاب والإبــداع لـبّـه في اكتشاف ( الدارج ) و ( حُسن ) اختراعه والأكيـد : ان الـدرّر فـي كــل غـبّـه وكـل ٍ ونسـبـة ذكـائـه واطـلاعـه !! والمهـم : مـوت النهـر فآخـر مصـبّـه النـهـايـه المنطـقـيّـه لانـدفـاعـه !!
.: بحــة الــ ش ــوقـ ..!!! :.
تـعـال اغنيـلـك الـمـوال وغـيـابـك للشـوق ( بحـه ) تميـز نبـرة اشعـاري زهبـت عـذري وردي لاابتـدى عتـابـك كم لي افكـر شقـول ان قلـت شالطـاري بقـول مشتـاق للطعنـه مــن اهـدابـك ومشتـاق اكثـر لقولـة باخـذ بثـاري !! وبقـول مليـت مـدري ملـنـي بـابـك من غبت دونه وقـف عمـري ومشـواري مغير اسولف لـه اللـي صـار باسبابـك وارمـي عليـه الشقـا والهـم واعـذاري من غير لا ادري اجي وان قال وش جابك ؟ قمت اتساقط علي مـن ( غيمـة افكـاري) ليـن اتبلـل (( ولـه )) واطيـر اسرابـك وتـروى عصافيـر فرقانـا مـن انهـاري وارد ميـت عـطـش واقـلـب كتـابـك واقرى حكايـة سـراب ٍ عـذب ازهـاري شفنـي ذبلـت وطفيـت وجيـت ابحيابـك عمـري دفعتـه ثمـن دربـي ومسيـاري امـا تخلينـي احـيـا فـيـك وابقـابـك ولا تـاكـد وفـاتـي آخــر اخـبـاري ابك انت مـره طرالـي احـرق اعصابـك طاوعت فكري عليك وجيـت لـك سـاري فكـرت ابيعـك وابعثـر بالمـدى اطيابـك عقلي نواها وقلبـي قـال انـا ( شـاري ) ورديت احسك بصدري واحسـب احسابـك انـي زرعتـك لقـا وابقطـف اثـمـاري والـيـوم دام المـسـا تــوه تغـنـابـك اقـررب مدامـك لحـن تشتاقـه اوتـاري ابعـزفـك للقصـيـد الـلـي تسمـابـك وشب لـك داخـل بحـور الشعـر نـاري واسمعـك مـا كتبتـه لـيـن ( ينتـابـك غرور ) واسمـع كـلام ٍ عـده اجبـاري لاصـرت انـا والقلـم والدفتـر احبابـك يحـق لـك لـو تقـول ان الشعـر داري ما قلتهـا قصـدي انـي اكسـب اعجابـك لكنـي بـهـذي ادري ويــش مـقـداري الصعب جذاب وانـت الصعـب يزهابـك وانا علـى الكايـده يـا عاشقـي ضـاري وان جات للجـد لـه لـذه تـرى غيابـك شف ( بحة الشوق ) كيف تميز اشعاري ؟؟
.: لا يطـوّل سكوتـك :.
لا يطـوّل سكوتـك ولا يطـوّل سكـاتـي تـرى الـدعـاوي بسيـطـه لا تكبّـرهـا خلـك علـى خبـري وظنـي وهقـواتـي خابرنـي الضيـق والضيقـات خابـرهـا وسّـع لـي البـال يـا سيّـد طموحـاتـي ولا تغيّـر النظـره اللـي كنـت تنظرهـا تقول : حـب البشـر طـوّق مساراتـي ؟ ابـك انـت حبـك مساراتـي يسيّرهـا !! ان غبـت عانـت عيونـي مـن معاناتـي وذكـرك يصبّرنـي وطيـفـك يصبّـرهـا لا يـا بعـد شهرتـي واعظـم نجاحـاتـي وكل القصايد مـن ابسطهـا ليـا اشهرهـا ولا يـا بعـد مـن يــدوّر لانكسـاراتـي شعّار سبب وجـودي ضيـق خاطرهـا !! انت اجمـل اللـي تسجـل فـي سجلاتـي ان جيت : وين البشر ؟ وان رحت : مكثرها يـا اوّل وآخـر قصيـدي وآروّع ابيـاتـي محـدٍ يحـب القصايـد كثـر شاعرهـا !! مـا فـاق حبـي لـك الا حبـي لـذاتـي يعنـي احبـك محبّـه مــا اتصـوّرهـا يا اصدق من النشـوه اللـي فـي بداياتـي لا قلت لي كـم بيـت .. وقالـوا انشرهـا واغلى من الدمعـه اللـي كـل صدماتـي تطلـب يدييهـا !! واحجّرهـا ولا انثرهـا وآحـن منـي علـيّ ان شفـت زلاّتــي القـاك بررتهـا لـو صـعـب ابـررهـا واطهـر حكايـة محبّـه فـي حكايـاتـي مـن قبـل لا عيشهـا حسّيتـك اطهـرهـا لا تلومنـي لا بديـت آخــاف وآحـاتـي كـل حاجـةٍ غاليـه مـا ودّي اخسـرهـا ولا تضـايـق لـيـا كـثّـرت جـيّـاتـي ضيّعـت فيـك السنيـن وجيـت ادوّرهـا تـعـال رتبـنـي ورتــب حسـابـاتـي او تدري شلـون ؟! رتبنـي و بعثرهـا !! مو مشكلـه لـو تصيـر اطـوّل مسافاتـي المشكلـه لابـديـت احـسّـك اقصـرهـا اكبـر عيوبـي : بديتـك مــن نهايـاتـي واكبر عيوبك : لقيـت اوّلـك بآخرهـا !! يـا مكتشـف عالمـي واقـدم حضاراتـي حـرام كسـر الخواطـر بيـد جابرهـا ؟! مـدام تقـدر علـى اللـي فـوق قدراتـي لا تذخـر الفزعـه اللـي قلـت ذاخرهـا رجعنـي لوقتـي او رجعـلـي اوقـاتـي عاميـن تنطرنـي .. وعاميـن ناطـرهـا وتقـبـل الــود والشـكـر وتحـيـاتـي يـا ساكـن الـروح والـروح ومشاعرهـا وروّق وركّـز وحـاول تفـهـم الآتــي: فكـره تـأكـد قلـيـل الـلـي يفكـرهـا لـو ان غيـري معـاك يسـوي سـواتـي قلت : انت نعمه وهـو عاجـز يقدّرهـا !!
.: نهر سكر :.
أمسيه واعلام واضواء وصحافـه وانـا لاوقفـت مابينـي وبينـي ! اتساقط ضيـق واحبـاط وحسافـه كني اخنق حلم عمري في يدينـي ! واتسامى فكـر واحسـاس وثقافـه واكسب التقدير والاعجـاب فينـي يا طويل الحزن والواقـع خرافـه كذبةٍ ماهيـب تسلتطـف يقينـي ! ليـه مااغنيّـك تحنـان ولطافـه ؟ وانت نبض الروح وانفاس تحكيني ماتهز الريـح غصـنٍ لارتجافـه ينكسر صوتي ! وتستاحش يميني ! كل مامر المسـا صـدري وحافـه قلت له والشمس مشرقها جبينـي : من مشت رجله على درب السخافه طاح من عقلي قبل قلبـي وعينـي الرجل لاصار مابـه ديـن : تافـه والعدو لاصار يعجبنـي : خدينـي والفشل لاصرت ترضى بالوصافه وانـت قـادر تستبـد وتحتوينـي وكان انا من لاربـط فعلـه بقافـه جعل تبكيني عيـون اللـي يبينـي وجه صبـحٍ مـن حيـاه وعفافـه استحي من طيف زوله لو يجينـي نهر سكر مـن ضفافـه لاضفافـه اغنيات الملـح وانشـودة حنينـي ناسي النسيان !! طبعـه واختلافـه واصبح اللي راح واللي يحترينـي عاشقه .. وقف هنا والعمر طافـه هو متى يرجع وترجع لي سنيني ؟! الفراق .. شعور من شـدة جفافـه يبذر عيوني !! ويقطف دمعتيني !! القلـوب تعـاف طاريـه وتخافـه يعتريها شئ .. عانـه يعترينـي : كل ابوي طعون واحزان وكلافـه لاانتهاني جـرح الآخـر يبتدينـي ليت حظي مارمى عمري خلافـه ولا ترك لي تمتمة وينه ووينـي ؟! وليت مابيني وبينـه مـن مسافـه مثل مابين السهر وجفون عينـي !!
.: طمني عليك :.
يا الغايب اللي غابت سنينـي معـاك يا جعل ما جاني من الفرقـا يجيـك استغفر الله !! جعل ماجانـي فـداك حتى لو ان نهايتي .. على يدييـك! مسامحك .. واللي بقوله في قفـاك خيرك كثير .. ويرحـم الله والديـك ماصار شي ابلا رضاي الا رضاك اللي ماهو فيني وابيه القـاه فيـك! كنت السما في عيني وعيني سمـاك كانت حياتـي كلهـا منـك واليـك كنت بيديني مير مدري مـن خـذاك حسبي على تقصيري وحسبي عليك علمتني.. وش الحياه مـن الهـلاك في موادعك هذا وفي جيّتـك ذيـك ياكيف ابلقى شخص يسواني سـواك كل مانويت انهيك في شخص ابتديك! أبـدى أقـارن مستـواه بمستـواك واخاف لاتزعل وابيعـه واشتريـك والمشكله : رغم محبتـك وغـلاك واني رغم كل شيّ مشتـاق وابيـك ما هوب من حقي يضايقنـي جفـاك ولااعشقك ولاالمحك ولااحتريـك!! لكن ما يخفانـي ولا اظـن يخفـاك حقي عليك .. انّك تطمنّي عليـك!!
.: يـاضـيـق صـدري :.
ياضيـق صـدري كـل مـا هبـت علـي مـن الجنـوب نسـايـمٍ مـامـلـت طـعـونـي وقـلـبـي مـلّـهـا وارقـى علـى مرقـاب حزنـي واتـحـرى للـغـروب وامـسـك جـدايـل هالحـيـاه الـمـدبـره وافـلّـهـا واشـوف وشلـون الليـال ادور فـي الوقـت اللـعـوب واجمـع مسائـل هالبـشـر فــي دفـتـري واحلّـهـا والعن ابو الحـظ الـردي !! واستغفـر المولـى واتـوب وآقـول يـا ربـي تعيـن اللـي صـبـر ثــم شلّـهـا ويا سعود قـرب لـي مـدام الوقـت والعمـر محسـوب واسمـع يـا خـوك ابيـات مـن جوفـي نويـت اتلّهـا لا صارت الدعوه مابين : ( ضلوع صدري ) و(الهبوب ) ! بقولهـا و : (( اللـي عقـد روووس الحبـال يحلّهـا )) وش عاد نرجي من زمـن صـارت بـه كبـار الذنـوب انـك علـى الباطـل سيـوف الحـق تونـي سلّـهـا !! اسلامك اصبح (( متهـم ! )) والنـور غيّـب ومحجـوب دروووبهـم يـا كثرهـاا ؟؟ وادروبـنـا يــا قلّـهـا !! خويّنـا تـصـلاه نــار الكـفـر ونشـوفـه يــذوب وحنّا نترجى من (( عجوز الغـرب )) ترهـي ظلّهـا !! لا عادبـه فزعـه ولا غـيـره ؟! وحيلتـنـا يــا دوب ( نشجـب ونستنكـر ) عساهـا تنسـمـع او علّـهـا .. صـار التنافـس بالطـرب مـن اولويـات الشـعـوب ! (( الغانـيـه صفقلـهـا ؟؟ والراقـصـه طبلّـهـا !! )) والموضـه تحاصـر تقاليـد العـرب مـن كـل صـوب تـفــوح دلـتـنـا زعـــل واعـوانـهـم تـزلّـهـا والكـل منّـا يشـوف نفـسـه بالتـخـاذل مغـصـوب احلوقـنـا مـاتـت عـطـش ! يالله طلبـتـك بـلّـهـا يالله ستـرك مـن عـلـومٍ فــي خواطـرنـا تـجـوب رحـمـاك سهلـهـا عليـنـا دقـهـا مــعٌ جـلّـهـا ويا سعود اخذها من نمط (حكـيٍ علـى لسـان القلـوب) اربــع نصـايـح لحيـاتـك يــا عـسـى توصلّـهـا المرجلـه هـي ( البلـد ) وافعـال يمنـاك ( الـدروب ) والادمــي يـولـد ( غـريـب ) ولاتسـنّـع دلّـهــا والكايـده تبغـى ولــد مـاهـوب طـمـاع وكــذوب والـرابـح الـلـي نفـسـه لـربـه قــدر يـذلّـهـا وتـرى الكـرم عنـد العـرب يغـطـي آلاف العـيـوب وانـك بخيـل تسـاوي عـيـوب الـعـرب ذي كلّـهـا واحذر تحسب ان كل بير ابدنيتـك بـه ( مـا ) شـروب واذا تجـاهـلـت الـعــواذل ابـتـمـوت بـغـلّـهـا وانــا بــوّدع راس مرقـابـي اذا حــل الـغـروب وبقـول يـا ربـي تعيـن اللـي صبـر ثـم شلّهـااااا !!
.: مبروك .. جرحي! :.
اضحك.. وخل البشر من فرحتك تدري مبروك جرحي.. عساك لطعنتك سالم؟! لعبتها صح وجبت العيـد بـي بـدري مولمن سيفك وطبـع الزمـن والـم.. من قبل اعرفك وحظي عادته فقـري!! من خلقتي معذب ولا انته معي ظالم !! دام الغدر غربه ودام الوطن صـدري كم خنجرن للوطن مشتاقـن وحالـم؟؟ لا الليل ليلي و لا ذاك الفجر فجـري الكل ضدي وانا المبلي وانـا مسالـم.. لا ابنتقم منك ولاني معتـزي بصبـري من جدك اهتم؟! وانا في حالتي عالم؟! لا والله اضحك وخل الناس بك تـدري مبروك جرحي عساك لطعنتك سالـم!!
.: أطهر خطايا الشوق :.
دام عذري اقبح من الذنب فـي عيـن الهـوى اسجدي يا اطهر خطايا الشوق قدم المغفـره.. واسكبي دمعك مدام الضحك توه مـا ارتـوى وامشي في درب التواضع كبريـاء وبختـره.. واعلني موت العداله بلحظة(ن) فيهـا استـوى ذنبي وعذري .. وعشق بظلم.. مامنه ثمـره.. وانت يومنك تصد ولادري قلبك وش نـوى!! اذكر ان طبعي اجيبـك ضعـف ولا عنتـره.. يا اول احبابي وانا لي قلب عنـك مـا قـوى لا جرحته ضم جرحك حشمة(ن) لك وشكره!! يرتجي منك الوصل لوكان وصلك قـد حـوى هم شيب عين قلبـي وانحنـى منـه ظهـره.. هام بـك حـد الهدايـه لانسـاك ولا نغـوى صان حبك وانت ادرى ( ائمن الحب اخطره!!) بنصحك شفت الحكي لافـاق حـد المستـوى مثل ما جايز يكـون ابـداع جايـز ثرثـره!! لا يغرك حكي عذالي وانـا اول مـن طـوى دون كبرك حلم ببقى طول عمـري اذكـره.. وكان ردت للعتاب ومنهـو فينـا اللـي لـوى ذراع خله بالخطـا حتـى تمـادى وكسـره.. بكتب لفكرك عبـاره وافهـم انـت المحتـوى فيها بشرح موقفـي واللـي جـرى بفسـره.. الروايـه وش خطـاهـا دام راويـهـا روى نصها بوقت اعتلـى جهلـك اعالـي منبـره؟!
.: ياغايب :.
قصايدٍ تنكتب في روّعة وصوفـك في كل خايع فكر تلقى لهـا جِـرّه والشعر كانه قدر يخطّرك ويطوفك مـا هـوب لله .. لا درّي ولا درّه يا غايب ٍ رجّعك عقب البطا خوفك في كل مره تجي وتعـاود الكـرّه اتكبّر العذر قبـل اتكثّـر حلوفـك ولا ضرّ قلبي كبر عذرك ولا سرّه قلبي نسيته سنه في راحت كفوفـك طالبك ردّه علي ولاّ اكفنـي شـرّه الله لا يسامح الاشـواق وطيوفـك ويا ويل قلبي من الحرمان والحـرّه يا ليتها في يدّي واغيّـر ظروفـك او ليتني ما عرفت الحـب بالمـرّه العام في كل لحظه اقـدر اشوفـك واليوم ما اقدر اشوفك بالعمر مرّه !
.: من العايدين :.
اي والله اني ضايق ومرهق ومخنوق وحزين واما بموت من الوله ولا بموت مـن القهـر واللي لعب بحسبه ايامـي وخلاهـا سنيـن اني على ذا الحال ياشعري لي اكثر من شهر بعت المدينه لاجل عين!وقالو:الخافـي يبيـن ودفنتك بجوفي!وقالـو:وش بقابـك ماظهـر يامطول الغيبه ياطول الشوق مير الله يعيـن العاشق اللي عاش ظامي بين عدك والنهـر عيد بي غيابك سنـه والليـه مـن العايديـن ولاعاد عيدك يالجروح اللي بقلبي من دهـر ياصاحبي لو تعتذر عن غيبتك عذرك سميـن حبك بعد ماغبت عن عيني تمادى وازدهـر من يوم شفتك والنعاس بعينك النجلا سجين! ومن نفس ذاك اليوم وعيوني سجينه للسهـر علقتني بالضحكه اللـي تسبـق الغمازتيـن وتركت لي شاعر كتب فيك القصايد واشتهر سيلت دمعك واستباح الدمع ستـر الياسميـن وعلمتني كيف الندى يجمـل خـدود الزهـر ليتك عقب ماغبت غيبت اشتياقـي والحنيـن او ليتني ماقد دفعت احلام عمري لك مهـر
.: بأسافر :.
يقـول المحبـه ويـش لوغابـوا الاحبـاب؟ اقول الجسد..من غير نبـض وشعـور وروح
يقول النهـار يغيـب! وش موقفـك لاغـاب؟ اقول ان رضيت اسكت..يصير السكوت..البوح
يقول الستر..سمعـه وذكـر وفعـل وثيـاب! اقول المحب مـن الولـه والسهـر مفضـوح
يقول انت قايل لـي بسافـر بـدون عتـاب؟! اقول ايه! قبل اضيع فـي وجهـك المملـوح!
قبـل تبـدي الاعجـاب وابادلـك الاعجـاب قبل..تاخذ احساسـي وقلبـي عبـث وتـروح
قبل..ينفتـح لـك بيـن عـوج الحنايـا بـاب ويبقى على طاريـك طـول العمـر مفتـوح
قبل..لاتـوهـق فـيـك يالصادق..الـكـذاب قبل..لاتحطـم منـك يالمخطى..المسـمـوح
قبل..لاتعلقنـي وترحـل بــدون اسـبـاب قبل..لاتعلمنـي اعــد السنـيـن جــروح!
قبل..يتبعـك وانـت تمـادى جفـا وغيـاب: قصيدي ودمع عيونـي وصوتـي المبحـوح!
ياليت الزمن يرجع واحسب لجفـاك حسـاب وعد..ماتعلـق فيـك وانساك..قبـل تــروح
وسلامتكم ..
| التوقيع |
 |
