يالون غزلان المها أو كما الغيد
لا شافهن قلب المعنى رمنه
تشوفهن من يوم يقفن مطاريد
وإليا أقبلن يافرحة اللي يجنه
لا قام يلعب ضافي الجيد على الجيد
يون قلب العود ميتين ونه
ما وقفت لا عند شايب ولا وليد
ما دام حب وركبة الخيل سنه
سلايلٍ تلقاه عند الأجاويد
كل من نوى الهقوات ما يخذلنه
هقوات عنتر والمهلهل وأبازيد
قبيلهم سود الليالي غشنه
وإليا أقبلت من غاد ذيك المواعيد
اللي ركي للطيب ما يخيب ظنه
نبعٍ شرب من منبعه كل صنديد
ولا هقوتي كل المنابع رونه
يسعى له الرجال من دون تمجيد
الطيب طيب ولا تواتيه منه
الحر على الصيدات معتاد تعويد
ضاري على المقناص من صغر سنه
ذيب ولاهوب بهقوات ربعه معاضيد
هقوات وش مالعز يرقى رقنه
اللي لا شب وليدهم يشبه الحيد
يوم السنين اللي تنافض نصنه
ولا زارت قلوب الرجال التنهايد
ودمع العذارى كل مورد سقنه
بكتوفهم ماتشوف غير البواريد
ورايتهم من فوق روس الأسنه
اللي حوافر خيلهم لو بها قيد
وش ما تمد البيد إلا وطنه
وإليا ارتخى المرباط لو هن مجاهيد
طلق الشروقي بالصباح يغشنه
مهرة حديهم لا لكد دون تشديد
مرفرفات الريش ما يلحقنه
عادات بدو ولا وراها مقاصيد
ولا عندهم تحتاج طنه ورنه
ولاهي على ماقالها زيد وعبيد
ومبرهجات القول ما ينفعنه
حتى الذواري لا غشت ناعم البيد
تسمع لها من شدة الريح زنه
وعاد اللي تاهوا عن محاس التقاليد
ودايم لهم عن هقوة الناس كنه
والزين منهم ما يتمدرى عن الكيد
وهداف طلقين الشوارب عزنه
وعن شي يغنم شاربه قاصر الإيد
وفاعيل الزينين ما لايمنه
ولا شب لهم نيران مثل الأجاويد
ولا فاح من صفر المباهير بنه
هذا نقايص بالرجال ومناقيد
وردات حظ لكل من جاورنه
ما يشكي العلات غير المضاهيد
ولا يفسد المعروف غير الممنه
لا شافهن قلب المعنى رمنه
تشوفهن من يوم يقفن مطاريد
وإليا أقبلن يافرحة اللي يجنه
لا قام يلعب ضافي الجيد على الجيد
يون قلب العود ميتين ونه
ما وقفت لا عند شايب ولا وليد
ما دام حب وركبة الخيل سنه
سلايلٍ تلقاه عند الأجاويد
كل من نوى الهقوات ما يخذلنه
هقوات عنتر والمهلهل وأبازيد
قبيلهم سود الليالي غشنه
وإليا أقبلت من غاد ذيك المواعيد
اللي ركي للطيب ما يخيب ظنه
نبعٍ شرب من منبعه كل صنديد
ولا هقوتي كل المنابع رونه
يسعى له الرجال من دون تمجيد
الطيب طيب ولا تواتيه منه
الحر على الصيدات معتاد تعويد
ضاري على المقناص من صغر سنه
ذيب ولاهوب بهقوات ربعه معاضيد
هقوات وش مالعز يرقى رقنه
اللي لا شب وليدهم يشبه الحيد
يوم السنين اللي تنافض نصنه
ولا زارت قلوب الرجال التنهايد
ودمع العذارى كل مورد سقنه
بكتوفهم ماتشوف غير البواريد
ورايتهم من فوق روس الأسنه
اللي حوافر خيلهم لو بها قيد
وش ما تمد البيد إلا وطنه
وإليا ارتخى المرباط لو هن مجاهيد
طلق الشروقي بالصباح يغشنه
مهرة حديهم لا لكد دون تشديد
مرفرفات الريش ما يلحقنه
عادات بدو ولا وراها مقاصيد
ولا عندهم تحتاج طنه ورنه
ولاهي على ماقالها زيد وعبيد
ومبرهجات القول ما ينفعنه
حتى الذواري لا غشت ناعم البيد
تسمع لها من شدة الريح زنه
وعاد اللي تاهوا عن محاس التقاليد
ودايم لهم عن هقوة الناس كنه
والزين منهم ما يتمدرى عن الكيد
وهداف طلقين الشوارب عزنه
وعن شي يغنم شاربه قاصر الإيد
وفاعيل الزينين ما لايمنه
ولا شب لهم نيران مثل الأجاويد
ولا فاح من صفر المباهير بنه
هذا نقايص بالرجال ومناقيد
وردات حظ لكل من جاورنه
ما يشكي العلات غير المضاهيد
ولا يفسد المعروف غير الممنه
