الشاعر / حمد عبد الكريم السعيد " بو خالد " .... من أعمدة الساحة الخليجية والعربية
رجل كويتي بدوي عشق المقناص والصحراء والوسم والربيع والبارق وله العديد من القصائد ا
التي يتحدث فيها عن حياة البدوي والصحراء , وتميز شعره بالعذوبة وحديثه فيها عن الصقور
وله قصيدة بعنوان ((الطلح )) ويصور فيها سؤال شجرة الطلح التي تنبت بالصحراء عن طيره الذي
فقده بأسلوب شيق , فوصلت هذه القصيدة الى مسامع الناس
وسمع بها سمو الامير عبد العزيز بن سعود((السامر)) والامير عبد العزيز من عشاق القنص ,
وتألم لحال حمد السعيد فختار الامير افضل صقوره وارسلها الى حمد السعيد لعله يعوضه عن صقره اللذي فقده .
- رئيس تحرير مجلة وضوح الكويتية
- رئيس لجنة مسابقة معرض الصيد والفروسية لشاعر الصيد والمقناص
- رئيس لجنة مهرجان وضوح الرأي الشعري في الكويت
- مشرف الملف الشعر في مجلة ( الصقار )
- مشرف الامسيات في في معرض الصيد والفروسية في أبوظبي
- عضو في نادي صقاري الامارات
- له إصداران شعريان صوتيان عامي 2002 و 2005
رجل كويتي بدوي عشق المقناص والصحراء والوسم والربيع والبارق وله العديد من القصائد ا
التي يتحدث فيها عن حياة البدوي والصحراء , وتميز شعره بالعذوبة وحديثه فيها عن الصقور
وله قصيدة بعنوان ((الطلح )) ويصور فيها سؤال شجرة الطلح التي تنبت بالصحراء عن طيره الذي
فقده بأسلوب شيق , فوصلت هذه القصيدة الى مسامع الناس
وسمع بها سمو الامير عبد العزيز بن سعود((السامر)) والامير عبد العزيز من عشاق القنص ,
وتألم لحال حمد السعيد فختار الامير افضل صقوره وارسلها الى حمد السعيد لعله يعوضه عن صقره اللذي فقده .
- رئيس تحرير مجلة وضوح الكويتية
- رئيس لجنة مسابقة معرض الصيد والفروسية لشاعر الصيد والمقناص
- رئيس لجنة مهرجان وضوح الرأي الشعري في الكويت
- مشرف الملف الشعر في مجلة ( الصقار )
- مشرف الامسيات في في معرض الصيد والفروسية في أبوظبي
- عضو في نادي صقاري الامارات
- له إصداران شعريان صوتيان عامي 2002 و 2005
من شعره
الطلح..
يقول حمد:
يا الطلح ما مرك مع الصبح صافي ** طيرٍ غدى لي أمس والشمس حيـه
أتلى العهد به راح يطـرد مقافـي ** خبري به أومى في جناحـه هنيـا
رد الطلح:
لا والله الا مرني العصر وافي ** كنه غلامٍ مستهيـرن بهيئـه
أقبل علينا ثم أخذ بإنحرافـي ** يوم الحباري وقعن له سويـه
حمد:
يا الطلح قلي يا عل ما به خلافي ** البارحه بـرد وشمـالٍ قويـه
كانه تعشى قلت علـه عوافـي ** والحي يجمعه الولي مع خويـه
الطلح:
لا والله الا صاد خربٍ متعافي ** وأخذ عليه من الثناذي شويـه
لا مفلسٍ مره ولا قال كافـي ** يوم أخلفنه عن عشاهـحقبيـه
حمد:
خابره والله قاطعٍ ما يخافـي ** دايم على الصيده تجي له حميا
أنشدك باللي منبتك بالسوافـي ** عساه في خيرٍ ولا فيه سيئـه
الطلح:
خبري به أقرش في سبوقه خلافي ** ما به بلاء وأمرح على هالحصيله
والفجر شخص بالنواظر وشافـي ** طلعـه بعيـد ويمتـه ساحلـيـه
حمد:
يا الطلح ذا أحبه ولا هو بخافـي ** متعـادلٍ حبـه بحـب البنـيـه
بعض الطيور إن راح قلنا عوافي ** لا شك هذا ويـن أبلقـى حليـه
الطلح:
إتعب عليه وعادة الحر يافـي ** أضرب سهلها والوعر والشغيه
يجيبه اللي رازقٍ هالعجافـي ** بهايمٍ تمشي على غيـر نيـه
حمد:
يا الطلح لك مني يا أبو غصن ضافي ** لا جابـه الله وكـل نيـة مطـيـه
لا أجيك انا في موتر القـش هافـي ** وإسقيـك اللـي بـاقـي بتانكـيـه
وأطى على رملـة سوافيـك حافـي ** وكلٍ على مـا قيـل يذكـر خويـه
من اشعاره
ألا ياقلــب لاتشــره عليه ولي متـى غــيره؟
يغـــيب براحـــته خلـه يـروح بعــالم النسيـــان
كفــاك تدور أعـذار لغيابه فضـها سيــره
تمـاديت لــغلاه ومـن تمـــتادى بالغلا خـــسران
أبـد مافيـه بالدنـيا بـشر يستاهلـك غــــيره؟
يغيب ولا رجـع ماكــنك إلا العاشــق الــولــهان
أنـا ماقول لا ماقول ما أنـت بشــايفٍ خيـره
وأنـا مـانـي بـقايــل صاحبــك وافـي ولا خــوّان
يقولون القمرلاغاب يضوي له على ديــــره
وأنا أقول الحبيب إن غاب يضوي له على خلان
أجل شأسباب هالغيبة وأبي شأسباب تأخيره
وأبـي ليـه الجفا يـاقلــب؟وأنت بغـيـبته حـــيران
شهر وأكثر ولا طرش عن غيابه معاذيــره
يالــيته لــو تــعذر بالــظروف ولايمــه غلطـــان
تعبت ولا طرى له يتصل قل علها خـــيره
وش أنت متعبٍ حالك على واحد قليل إحســـــان
يجي ميت ولــه لامـن شكـــا وقتــه وتعزيـزه
وإذا قفى على وجهـه حبــيبك((نـاقة عريـــمان))
أقـــول أنـه مــوالف بــشر خلاك تــقزيــــزه؟
وأقول إنك على هامش حياته مابــقى لك شــــأن
مع اللي ماله سبوق اتركه شف واحدٍِ غيره
وأنا شــوري عليــك تلحّقه في سبعة الشـيطــان
ذبحــك الطـيب ياقلبٍ تـعذب من مـقاديــــره
يعن كنّك خفوقي خــابــرك ماتــعرف النكــــران
تقاضـي لعـنبو جــد الغــلا ماتنــفع الذيــره
تــرى من لاتقــاضـى ياخـفوقـي هالزمن ينهــان
حبيبٍ ماصفى لك طيع شوري بّدل بغـيره
وأنا شــوري عليك تلحّقه في سبعة الشيطــــان
قصيدة "الهموم":
حمد السعيد
يا الهموم اللي علي أثقل من هموم الركايب
ساعد الله قلبي الي مرتكي لحمول همي
يا الظروف الي علي وين ما وجه الصعايب
يا كثر ما مسحت الدمع منها براس كمي
يا الجروح الي يجي هذا و ذاك العام طايب
كل ما هبت ظروف الوقت شمي و شتشمي
من عرفت العلم و الضحكات ننهبها نهايب
لا قافلنا الزمن قمنا علت الضحكة نسمي
و ان ضحك و جه الزمن تقلى مثل شرواي هايب
إي أهابك يا زمن و إن سقت ضحكاتك يمي
منك و أنا و ان زنت بعيوني يا بو وحيين تايب
أدري إنك لا ضحكت ألقاك طاعن ولد عمي
تشتكي من سطوتك و تقول من شقر الذوايب
و كل جرح يهون غير جروحك مات دمي
بس تنزفنا هموم و نضحك بوجه القرايب
و من نشدني مالي الا بخير و همومي بدمي
و انت يالي منك ثلثين الخفوق أصبح خرايب
دام بعثرني زمان الذل ما يغيرك لمي
لمني تكفى ترى ما عاد فيني لمصايب
يا خلف جدي و ناس و الا يا ريحته أمي
لا تخليني و أنا شفني شباب براس شايب
كان انت أقفيت مع هالناس محدن لديمي
مثل مال للهم سبه للفرح تبقى سبايب
انت يا فرحه و يا ضحكة و يا مدري شسمي
انت أخر ما بقى للي في الحيا من حبايب
في زمان ما نشد والله عن مدحي و ذمي
الزمن كم واحدن قبلي موريه العجايب
و المصيبه كنك اللي مع زماني صرت همي
و مسك الختام تحية الاسلام السلام عليكم و رحمة الله و بركاته
ساعد الله قلبي الي مرتكي لحمول همي
يا الظروف الي علي وين ما وجه الصعايب
يا كثر ما مسحت الدمع منها براس كمي
يا الجروح الي يجي هذا و ذاك العام طايب
كل ما هبت ظروف الوقت شمي و شتشمي
من عرفت العلم و الضحكات ننهبها نهايب
لا قافلنا الزمن قمنا علت الضحكة نسمي
و ان ضحك و جه الزمن تقلى مثل شرواي هايب
إي أهابك يا زمن و إن سقت ضحكاتك يمي
منك و أنا و ان زنت بعيوني يا بو وحيين تايب
أدري إنك لا ضحكت ألقاك طاعن ولد عمي
تشتكي من سطوتك و تقول من شقر الذوايب
و كل جرح يهون غير جروحك مات دمي
بس تنزفنا هموم و نضحك بوجه القرايب
و من نشدني مالي الا بخير و همومي بدمي
و انت يالي منك ثلثين الخفوق أصبح خرايب
دام بعثرني زمان الذل ما يغيرك لمي
لمني تكفى ترى ما عاد فيني لمصايب
يا خلف جدي و ناس و الا يا ريحته أمي
لا تخليني و أنا شفني شباب براس شايب
كان انت أقفيت مع هالناس محدن لديمي
مثل مال للهم سبه للفرح تبقى سبايب
انت يا فرحه و يا ضحكة و يا مدري شسمي
انت أخر ما بقى للي في الحيا من حبايب
في زمان ما نشد والله عن مدحي و ذمي
الزمن كم واحدن قبلي موريه العجايب
و المصيبه كنك اللي مع زماني صرت همي
و مسك الختام تحية الاسلام السلام عليكم و رحمة الله و بركاته
عدل سابقا من قبل حبيب في الإثنين نوفمبر 30, 2009 8:41 pm عدل 1 مرات