الشاعر الكويتي خالد المريخي
وبعض من قصائده الرائعه..اللي دايم انرددها
ونحس انها مواعظ...وعبر
الله يوفقه يارب...يستاهل كل خير
وهذي نبذه عنه..::
الشاعر خالد المريخي شاعر كويتي ينتمي إلى جيل الشباب قدم الشعر النبطي بطريقة سهلة سلسة وخالية من التعقيد ولذلك أحبه الجمهور الخليجي من عمان وحتى الكويت ويمتاز المريخي بصوته المميز في الإلقاء وطريقته الغير عادية في قراءة القصائد وهذا خلق له قاعدة جماهيرية عريضة كما أن كلماته مؤثره وتمتاز في أغلبها بالقوة والشدة وله العديد من الأغراض الشعرية المؤثرة مثل قصيدة الأم والأسير ..
ومن قصائده..::
ماني بمخطي
ماني بمخظــي لاتقـــولـــون غلطـــــان.....اللي لكــــم عيا يبين انكشف لي
ماشفتوا اللي شفت انا شوف الاعيان.....يلا عسى يصدف لكم ماصدف لي
مـــروا علي أصنــاف وأشــكال وألـــــوان.....هـــذا وقف ضــدي والآخـر وقف لي
بعـــض البشـــر أصــدقــــه دون حلفــان....وبعض البشر ما أصدق لو حلف لي
أبحيـــاتــــــي مـــاتنــــــزلـــت لأنســان.....لا مــــاانحنيـت الا لرب ٍ سخف لي
وفي الشعـــر يـوم الناس راوي وضميان.....غـــرفت في يمناي محد ٍ غرف لي
حتــــى عـــــدوي مـــاتـــرددت حيـــلان.....جيته وقلت له اعترف...واعتـرف لي
<><><><><><><><><>
اشكــــــي لـــــه
جتني قصيده كنها رسم رسام ... أصيلة وآنا هـــــواي الأصــــــيله
ومن يوم جتني هاجس الشعر حوّام ... ومن طيب راعيها نويت احتسي له
لوّ الــــمراجل نعتبرها بالارقام ... أنا اشهد انه بياخذ اكبر حصيله
غلام سعد اللي لهم مثله غلام ... أشفى غليل ابـــــوه واشفى غليله
وعنده قلم مهو مثل كــل الاقلام ... محرّم مـــــا يكتب الا الجميله
هو يشتكي لي كل ما صار منضام ... وانا على طول ان زعلت اشتكي له
بقول له دامه على الوقت لوّام ... الوقت بيـــــدنا ولابـــاد حيله
ياخوي لا تتعب بتحسيب الاعوام ... مافات خلّه واتركه لا تخيله
شفني أنام أحيان واحيان ما نام ... أفرح دقايق وانطوي كل ليله
كني شعب بغداد والوقت صدام ... ما هو بكيفي غصب قمت انحني له
حملي تقسّم وانقسم عشرة اقسام ... حاولت اشيله لكن ازريت اشيله
<><><><><><><><><>
جيت أشتكي لك
جيت أشتكي لك من عنا الوقت ابرتاح ... لقيت نفسي أشتكي من همومك
يا عـــونة الله ما بقى شي ما راح ... مدري ألوم الــوقت والا ألـــومك
جيتك وقلت بعالي الصوت : يا صاح ... بالله ساعدني ترى اليوم يومك
لا النفس مرتاحه ولا القلب مرتاح ... وحسيت نفسي واحد من خصومك
اثريك صاحب بس في وقت الافراح ... وبكل سهوله ترخص اللي يسومك
الله يعين القلب وشلون يرتاح ... زود على همومه تحمل همومك
<><><><><><><><><>
ولو زعل
جا يطيّب خاطري في كلمتين ... يحسب ان رضاي مضمون وسهل
عذره اللي رجّعه شوق وحنين ... يحسب ان رضاي بشوية غزل
مادري اني حالف وحالف يمين ... ما أرد بكلمتي مهما عمـــــل
ما يلين القلب والله ما يلين ... وان زعل يزعل ، ويعني لو زعل ؟!
<><><><><><><><><>
تسوى عيوني
أجيك يسلم راسك شلونما جيك ؟! ... ويّاك انا بالذات صعب آتغلّى
والله ما ادري من الغلا وين اوديك ... تسوى عيوني او بعد يمكن اغلا
بس انت تال الوقت ربي يجازيك ... عـرفت مقدارك وقمت تغلّى
قلنا تغلّى ميــر زدت بتغليك ... والنـــاس قــالوا مـن تغلى تخّلا
<><><><><><><><><>
مسامحك
ياللي غلطت مسامحك ... باجيك أنا وآصالحك
غصب علي ابعتذر ... غصب علي آسامحك
من كثر ما احبك وابيك ... وانته معاي اوله عليك
واعذرك لو مالك عذر ... من كثر ما احبك وابيك
غلاك من قدّه غلاك ... تكبر واهو يكبر معاك
ويّاك بالصّح والغلط ... شف وين ودّاني غلاك
<><><><><><><><><>
المعاند
قلت : خل المعاند ما سمعت الكلام ... ذوق نار المعـــــاند ذوقها يا عنيد
قلت لك : ف المحبه صار لي كم عام ... وانت توّك على دنيا المحبه جديد
ما انت قد المخاصم ليه تبدا الخصام ... ما دريت ان قدرك لا نقص ما يزيد
ضعت مدري وش اللي ضيعك يا حرام ... بس انا اموت واعرف انت وش مستفيد
تحسب اني ابـــرضى بالعتب والملام ... لا حبيبي انا وقت الشـــدايد شـــديد
لا تكثّر كلامـــــك ما يفيد الكــــلام ... روح مابي كــلامك .. روح فرقاك عيد
<><><><><><><><><>
الثريا
لين العود يسعد لي مسا هالليونه ... قم تمخطر هناك وقم تمخطر هنيّا
قم تثنى وخل الليل يكسي متونه ... حيّ هاك القوام وحي هاك المحيّا
ورّهم كيف تقدر شي ما يقدرونه ... علّم اهل الثرى وشلون رقص الثريّا
خلّهم يفقدون العقل ويودعونه ... سوّ فيهم سواتك قبل ما اعرفك فيّا
انت يا ويل من جيته بنظره حنونه ... اشهد انه بيصفق مثل صفقة يديّا
انت لا تلوم من شافك وطيّر عيونه ... انت مفروض من شافك يسوّي كذيّا !!
<><><><><><><><><>
يا كثر طيبه
حبيبي يا كثر طيبه
يخجّلني بترحيبه
ولا ادري كيف اهلّي به
عساني ما انحرم منّه
عتابه ما يضايقني
احس انه يشوّقني
يالينه ما يفارقني
وعساني ما انحرم منّه
بكل رقّه يعاملني
ولا يرضا يزعلني
اذا اخطا قمت جاملته
واذا زلّيت جاملني
وجود الحب يكفينا
وهذي كل امانينا
انا ويّاه فينا طبع
إذا حبينا .. حبينا
وبعض من قصائده الرائعه..اللي دايم انرددها
ونحس انها مواعظ...وعبر
الله يوفقه يارب...يستاهل كل خير
وهذي نبذه عنه..::
الشاعر خالد المريخي شاعر كويتي ينتمي إلى جيل الشباب قدم الشعر النبطي بطريقة سهلة سلسة وخالية من التعقيد ولذلك أحبه الجمهور الخليجي من عمان وحتى الكويت ويمتاز المريخي بصوته المميز في الإلقاء وطريقته الغير عادية في قراءة القصائد وهذا خلق له قاعدة جماهيرية عريضة كما أن كلماته مؤثره وتمتاز في أغلبها بالقوة والشدة وله العديد من الأغراض الشعرية المؤثرة مثل قصيدة الأم والأسير ..
ومن قصائده..::
ماني بمخطي
ماني بمخظــي لاتقـــولـــون غلطـــــان.....اللي لكــــم عيا يبين انكشف لي
ماشفتوا اللي شفت انا شوف الاعيان.....يلا عسى يصدف لكم ماصدف لي
مـــروا علي أصنــاف وأشــكال وألـــــوان.....هـــذا وقف ضــدي والآخـر وقف لي
بعـــض البشـــر أصــدقــــه دون حلفــان....وبعض البشر ما أصدق لو حلف لي
أبحيـــاتــــــي مـــاتنــــــزلـــت لأنســان.....لا مــــاانحنيـت الا لرب ٍ سخف لي
وفي الشعـــر يـوم الناس راوي وضميان.....غـــرفت في يمناي محد ٍ غرف لي
حتــــى عـــــدوي مـــاتـــرددت حيـــلان.....جيته وقلت له اعترف...واعتـرف لي
<><><><><><><><><>
اشكــــــي لـــــه
جتني قصيده كنها رسم رسام ... أصيلة وآنا هـــــواي الأصــــــيله
ومن يوم جتني هاجس الشعر حوّام ... ومن طيب راعيها نويت احتسي له
لوّ الــــمراجل نعتبرها بالارقام ... أنا اشهد انه بياخذ اكبر حصيله
غلام سعد اللي لهم مثله غلام ... أشفى غليل ابـــــوه واشفى غليله
وعنده قلم مهو مثل كــل الاقلام ... محرّم مـــــا يكتب الا الجميله
هو يشتكي لي كل ما صار منضام ... وانا على طول ان زعلت اشتكي له
بقول له دامه على الوقت لوّام ... الوقت بيـــــدنا ولابـــاد حيله
ياخوي لا تتعب بتحسيب الاعوام ... مافات خلّه واتركه لا تخيله
شفني أنام أحيان واحيان ما نام ... أفرح دقايق وانطوي كل ليله
كني شعب بغداد والوقت صدام ... ما هو بكيفي غصب قمت انحني له
حملي تقسّم وانقسم عشرة اقسام ... حاولت اشيله لكن ازريت اشيله
<><><><><><><><><>
جيت أشتكي لك
جيت أشتكي لك من عنا الوقت ابرتاح ... لقيت نفسي أشتكي من همومك
يا عـــونة الله ما بقى شي ما راح ... مدري ألوم الــوقت والا ألـــومك
جيتك وقلت بعالي الصوت : يا صاح ... بالله ساعدني ترى اليوم يومك
لا النفس مرتاحه ولا القلب مرتاح ... وحسيت نفسي واحد من خصومك
اثريك صاحب بس في وقت الافراح ... وبكل سهوله ترخص اللي يسومك
الله يعين القلب وشلون يرتاح ... زود على همومه تحمل همومك
<><><><><><><><><>
ولو زعل
جا يطيّب خاطري في كلمتين ... يحسب ان رضاي مضمون وسهل
عذره اللي رجّعه شوق وحنين ... يحسب ان رضاي بشوية غزل
مادري اني حالف وحالف يمين ... ما أرد بكلمتي مهما عمـــــل
ما يلين القلب والله ما يلين ... وان زعل يزعل ، ويعني لو زعل ؟!
<><><><><><><><><>
تسوى عيوني
أجيك يسلم راسك شلونما جيك ؟! ... ويّاك انا بالذات صعب آتغلّى
والله ما ادري من الغلا وين اوديك ... تسوى عيوني او بعد يمكن اغلا
بس انت تال الوقت ربي يجازيك ... عـرفت مقدارك وقمت تغلّى
قلنا تغلّى ميــر زدت بتغليك ... والنـــاس قــالوا مـن تغلى تخّلا
<><><><><><><><><>
مسامحك
ياللي غلطت مسامحك ... باجيك أنا وآصالحك
غصب علي ابعتذر ... غصب علي آسامحك
من كثر ما احبك وابيك ... وانته معاي اوله عليك
واعذرك لو مالك عذر ... من كثر ما احبك وابيك
غلاك من قدّه غلاك ... تكبر واهو يكبر معاك
ويّاك بالصّح والغلط ... شف وين ودّاني غلاك
<><><><><><><><><>
المعاند
قلت : خل المعاند ما سمعت الكلام ... ذوق نار المعـــــاند ذوقها يا عنيد
قلت لك : ف المحبه صار لي كم عام ... وانت توّك على دنيا المحبه جديد
ما انت قد المخاصم ليه تبدا الخصام ... ما دريت ان قدرك لا نقص ما يزيد
ضعت مدري وش اللي ضيعك يا حرام ... بس انا اموت واعرف انت وش مستفيد
تحسب اني ابـــرضى بالعتب والملام ... لا حبيبي انا وقت الشـــدايد شـــديد
لا تكثّر كلامـــــك ما يفيد الكــــلام ... روح مابي كــلامك .. روح فرقاك عيد
<><><><><><><><><>
الثريا
لين العود يسعد لي مسا هالليونه ... قم تمخطر هناك وقم تمخطر هنيّا
قم تثنى وخل الليل يكسي متونه ... حيّ هاك القوام وحي هاك المحيّا
ورّهم كيف تقدر شي ما يقدرونه ... علّم اهل الثرى وشلون رقص الثريّا
خلّهم يفقدون العقل ويودعونه ... سوّ فيهم سواتك قبل ما اعرفك فيّا
انت يا ويل من جيته بنظره حنونه ... اشهد انه بيصفق مثل صفقة يديّا
انت لا تلوم من شافك وطيّر عيونه ... انت مفروض من شافك يسوّي كذيّا !!
<><><><><><><><><>
يا كثر طيبه
حبيبي يا كثر طيبه
يخجّلني بترحيبه
ولا ادري كيف اهلّي به
عساني ما انحرم منّه
عتابه ما يضايقني
احس انه يشوّقني
يالينه ما يفارقني
وعساني ما انحرم منّه
بكل رقّه يعاملني
ولا يرضا يزعلني
اذا اخطا قمت جاملته
واذا زلّيت جاملني
وجود الحب يكفينا
وهذي كل امانينا
انا ويّاه فينا طبع
إذا حبينا .. حبينا
